for real?

Kloer: 

Lëtzebuerg gëllt weltwäit als ee räicht Land 💸 an huet europawäit deen héchste gesetzleche Mindestloun mat ronn 2700 € pro Mount (fir net qualifizéiert Salariéen).   

Souguer ronn 43.600 Millionäre wunnen hei 💰. 

Mee:  

Mir profitéieren net alleguer vun deem Räichtum ⚖️: laut Statistiken ass +- all 5. Persoun vun Aarmut bedrot a souguer all 4. Kand. D’eleng erzéiend Persoune leide besonnesch ënner finanzielle Schwieregkeeten.  

Aarmut bedeit net nëmme wéineg Suen ze hunn, mee och Schwieregkeete fir um soziale Liewen deelzehuelen.   

Ausserdeem huet Lëtzebuerg europawäit déi héchste Working Poor-Quot 📊: also Leit, déi trotz Aarbecht, aarm sinn. 

An:  

Besonnesch betraff sinn dem Statec no : Aarbechtsloser (33,7%), Jonker tëschent 18 a 24 Joer (ronn een Drëttel) a Leit mat portugisescher Nationalitéit (41,4%).  

Aarm ass een als Single, wann ee manner wéi 2 540 € pro Mount zur Verfügung huet.  

De Klischee vum „räiche Lëtzebuerger” kënnt virun allem duerch de Finanzsecteur 🏦 a well Lëtzebuerg am Ausland nach dacks als Steierparadäis ugesi gëtt.  

Trotz Staatshëllefen hu vill Leit mat den héije Liewenskäschten 🏠🛒 ze kämpfen. Fir de Räichtum ze rechnen (z.B. PIB), ginn d’Frontaliere /-èrë bei der Bevëlkerungszuel net matgezielt, wat d’Bild vum „superräiche Lëtzebuerg” verfälscht 🔎. Aarmut bleift dacks onsiichtbar fir d’Leit, déi se net selwer erliewen.  

Wat mengs DU?  

Wat kann ee géint Aarmut ënnerhuelen 💭?  Gëtt dëst Thema an dengem Ëmfeld ugeschwat -oder ass et éischter en Tabu 🚫 ?  

Kloer :  

Méi héich Militärausgaben a méi Waffen heeschen, datt d’Mëttel fir militäresch Gewalt disponibel sinn. Dat kann  zu engem Waffewettrenne féieren: All Land produzéiert méi Waffen, fir mat den anere matzehalen oder well et sech bedrot fillt. Da besteet de Risiko vun engem Däiwelskrees, deen d’Spannungen erhéicht an zu engem Konflikt féiere kéint. 

Mee :  

D’NATO ass eng defensiv Organisatioun mat demokratesche Wäerter. D’Haptzil: Konflikter vermeiden. Der NATO hir Stäerkt soll de Géigner dovunner ofhalen, ee Konflikt unzefänken. Fir datt d’Ofschreckung funktionéiert, muss d’NATO staark sinn. D’NATO-Länner mussen zesumme schaffen an sech déi Mëttel a Waffe ginn. Déi rezent erhéichten Ausgaben sinn eng direkt Reaktioun op déi russesch Aggressioun an déi allgemeng geopolitesch Situatioun. Fir 2035 soll all NATO-Land 5% vun der Wirtschaftsleeschtung an d’Verdeedegung a Sécherheet investéieren. 

Domadder wëll d’NATO d’Allianz weider stäerken, Krich vermeiden an noutfalls d’Memberlänner  vun der NATO schützen. 

An :  

D’Verdeedegungsausgabe finanzéieren net just Waffen, mee z.B. och d’Paie vum Militärpersonal. D’Verdeedegungsausgabe sollen 3,5% ausmaachen. Zousätzlech 1,5% solle fir Sécherheet genotzt ginn. Dës Sue kënnen an d’Infrastruktur, d’Innovatioun, d’Resilienz an d’Defenseindustrie zu Lëtzebuerg investéiert ginn.  

Wat mengs DU ? 

Mengs du datt déi defensiv Strategie vun der NATO wierkt? Wéi eng Alternativen zur Ofschreckung ginn et an der Konfliktvermeidung? 

Bibliographie : 

• NATO Presentatioun https://www.nato.int/nato-welcome/index.html  

• Defense an Ofschreckung https://www.nato.int/cps/en/natohq/topics_133127.htm 

• Den Haag Sommet Déclaratioun https://www.nato.int/cps/en/natohq/official_texts_236705.htm  

• 5% Engagement https://www.nato.int/cps/fr/natohq/topics_49198.htm  

• Den Haag Sommet : Starke Entscheidungen für ein starkes Bündnis https://www.bmvg.de/de/aktuelles/nato-gipfel-2025-historischer-beschluss-verteidigungsausgaben-5952094  

• Den Haag Sommet :  l’Europe franchit un seuil stratégique https://www.touteleurope.eu/l-ue-dans-le-monde/sommet-de-l-otan-en-approuvant-une-hausse-des-depenses-militaires-l-europe-franchit-un-seuil-strategique/  

• Defense Satelitten zu Lëtzebuerg https://defense.gouvernement.lu/en/la-defense/space.html https://mae.gouvernement.lu/en/actualites.gouvernement2024+en+actualites+toutes_actualites+communiques+2025+07-juillet+24-backes-govsat.html  

• Erklärung RNB vs PIB:
  Pour le PIB, la résidence des unités institutionnelles est déterminante, on retient la valeur ajoutée par les agents résidents. 

• Pour le RNB c’est la nationalité (quelle que soit la résidence). Ainsi pour passer du PIB au RNB, il faut ajouter au premier les solde des revenus reçus ou versés au reste du monde. 

• Pour un pays développé ayant des relations équilibrées avec l’extérieur, la différence entre les deux agrégats est faible (c’est le cas de la France pour laquelle l’écart entre le PIB et le RNB pour 2005 représente 8,8 milliards d’euros (respectivement 1710 et 1718,8 milliards d’euros) c’est-à-dire 0,5 % du PIB). 

• Pour un pays qui accueille de très nombreuses entreprises étrangères sur son sol alors que lui-même exporte peu de capitaux, l’écart entre PIB et PNB (RNB) est important et il est évident qu’il faut utiliser le PNB (RNB) pour avoir une image satisfaisante de sa richesse.